Euskal Autonomi Erkidegoko hotel-establezimenduetan 117.797 bidaiari-sarrerak erregistratu ziren aurtengo urtarrilean, aurreko urteko hil berean baino 5.182 sarrera gehiago, alegia. Hots, Eustaten datuen arabera, gorakada %5ekoa izan zen. Lurralde historikoei begira, bidaiari-sarrerak %5 hazi dira Araban, %10 Bizkaian, eta Gipuzkoan, aldiz, %4 jaitsi dira.
Estatutik etorritako bidaiarien sarrerek %5eko igoera izan dute, eta atzerritik etorritakoenek, berriz, %3koa. Lehenengoen kasuan, batez ere Asturias, Gaztela-Mantxa, Kantabria, Kataluina eta Madrildik etorrikoak izan ziren.
Bestalde, 2011ko urtarrilean erregistraturiko gaualdiei dagokienez, 210.414 izan ziren guztira, hau da, iazkoaren aldean %8ko igoera. Horrez gain, batez besteko egonaldiaren iraupena igo egin da 2010eko urtarrilaren aldean, 1,73 egunetik 1,79ra.
Nekazaritza-turismoaren hazkundea
EAEko nekazalturismoko establezimenduetako bidaiari-sarreren kasuetan, 2011ko urtarrilean 4.330 erregistratu ziren, aurreko urtean baino %2 gehiago.
Lurraldeei dagokienez, Araban %19ko jaitsiera bilakatu zen, eta Bizkaian, berriz, %5ekoa; Gipuzkoan joera positiboa izan zen eta %17ko igoera pairatu zuen.
Euskal AEko nekazaritza-turismoko establezimenduetan egindako gaualdiak 11.484 izan dira urtarrilean, lehengo urtean baino %8 gehiago.
Urtarrilean bidaiari-sarrerak gora egitea ez da kontu erraza, pozten naiz, euskaldunok asko daukagu erakusteko, eta polita gainera, bai Bizkaian, baita Araban edo Gipuzkoan ere
Por: Alazne el marzo 8, 2011
a las 4:29 pm